आगामी निवडणुकांसाठी राष्ट्रवादीने कसली कंबर

पिंपरी – आगामी लोकसभा व विधानसभा निवडणुकीच्या पार्श्‍वभूमीवर राष्ट्रवादी कॉंग्रेसने आतापासून कंबर कसली आहे. तब्बल 50 हजार क्रियाशील सदस्यांची नोंदणी करण्याचे उदिष्ट राष्ट्रवादीने ठेवले असून या सदस्यांना विशेष प्रशिक्षण दिले जाणार आहे. त्यानंतर प्रभागात जावून नागरिकांशी संवाद साधला जाणार आहे, अशी माहिती राष्ट्रवादी कॉंग्रेसचे शहराध्यक्ष संजोग वाघेरे पाटील यांनी दिली.