“त्या’ अधिकाऱ्यांना सत्ताधाऱ्यांचे पाठबळ?

पिंपरी – महापालिकेच्या प्रशासकीय कमकाजात अफरातफर करणाऱ्या दोषी अधिकाऱ्यांचे हात दगडाखाली अडकल्यामुळे त्यांच्यावर कारवाई अटळ असताना सत्ताधारी पदाधिकारी कारवाई करण्यास चालढकल करीत आहेत. सत्ताधाऱ्यांवर राजकीय दबाव वाढवत असल्यामुळे दोषी अधिकाऱ्यांच्या आपील अर्जांवर निर्णय घेण्यास अडचणी येत आहेत. त्यामुळे दोषी अधिकाऱ्यांचे तीन प्रस्ताव स्थायीने पुन्हा तहकूब ठेवले आहेत.